सदा जगाच्या कारनी
चंदनापरी घसला
अरे सोतामाधी त्याला
देव दिसला दिसला
सोता झाला रे दगड
घाव टाकीचा सोसला
अरे दगडात त्याले
देव दिसला दिसला
डोये मिटले मिटले
सोतालेबी इसरला
अरे अंधारात त्याले
देव दिसला दिसला
माले कयालं गुपित
काय तुझी करामत
अरे अंधाराने केली
उजेडाच्या वऱ्हे मात
देव कुठे देव कुठे ?
तुझ्या बुबुया मझार
देव कुठे देव कुठे ?
आभायाच्या आरपार
No comments:
Post a Comment