आशी कशी वो येळी माये, आशी कशी येळी
बारा गाडे काजळ कुंकू
पुरलं नही लेनं
साती समदुरचं पानी
झालं नही न्हानं
आशी कशी वो येळी माये, आशी कशी येळी
धरतॆवरलं चांदी सोनं
दागिन्याची तुट
आभायचं चोयी लुगडं
तेभी झालं थिट
आशी कशी वो येळी माये, आशी कशी येळी
इडा पीडा संकटाले
देल्हा तुने टाया
झाला तुझ्या गयामंधी
नरोंडाच्या माया
आशी कशी वो येळी माये, आशी कशी येळी
ब्रम्हा इस्नु रुद्र बाळ
खेलईले वटी
कोम्हायाता फुटे पान्हा
गानं आलं व्हटी
आशी कशी वो येळी माये, आशी कशी येळी
नशीबाचे नऊ गीऱ्हे
काय तुझ्या लेखी
ग्र्हनाले खाइसनि
कशी झाली सुखी
आशी कशी वो येळी माये, आशी कशी येळी
नऊ झनासी खाऊन गेली
सहज एक्या गोष्टी
दहाव्याशी खाशीन तेव्हा
कुठे राहीन सृष्टी
आशी कशी वो येळी माये, आशी कशी येळी
No comments:
Post a Comment