अरे रडता रडता
डोये भरले भरले
आसू सरले सरले
आता हुंदके उरले
आसू सरले सरले
माझा मालेच इसावा
आस असवा बिगर
रडू नको माझ्या जीवा
सांग सांग धरती माता
अशी कशी जादू झाली
झाड गेलं निंघिसनि
मागे सावली उरली
देव गेले देवाघरी
आठी ठेयीसनी ठेवा
डोयापुढे दोन लाल
रडू नको माझ्या जीवा
रडू नको माझ्या जीवा
तुला रडयाची रे सव
रडू हासव रे जरा
त्यात संसाराची चव
कुंकू पुसलं पुसलं
आता उरलं गोन्धन
तेच देईन देईन
नाशिबाले आवतन
जरी फुटल्या बांगड्या
मनगटी करतुत
तुटे मंगय्सुतर
उरे गयाची शपथ
नका नका आयाबाया
नका करू माझी कीव
झालं माझं समाधान
आता माझा माले जीव
No comments:
Post a Comment