कडू बोलता बोलता
पुढे कशी नरमली
कडू निम्बोया शेवटी
पिकीसनी गोड झाली
-------------------------------------
फाट आता आता टराटरा
नही दया तुफानाले
हाले बभयीचं पान
बोले केयीच्या पानाले
---------------------------------------
हिरवे हिरवे पानं
लाल फयं जशी चोच
आलं वडाच्या झाडाले
जसं पीक पोपटाचं
---------------------------------------
पयसाचे लाल फुलं
हिरवे पानं गेले झडी
इसरले लाल चोची
मिट्ठू गेले कुठे उडी ?
---------------------------------------
घाम गायता गायता
शेतकरी तरसला
तव्हा कुठे आभायात
मेघराया बरसला
---------------------------------------
धरितीवरिली हिरवय
गेली उडत उडत
अरे उडता उडता
झाली नियी आभायात
---------------------------------------
उठा उठा बहिणाबाई
बोंडं कपाशीचे येचा
बोटं हालवा हालवा
जशा पाखराच्या चोचा
---------------------------------------
जेवा इमान सचोटी
पापामधी रे बुडले
तव्हा याच माणसानं
किल्ल्या कुलूप घडले
किल्ल्या राहिल्या ठिकाणी
जव्हा तिजो-या फोडल्या
तव्हा याच माणसानं
बेड्या लोखंडी घडल्या
---------------------------------------
माझं दुखं, माझं दुखं,
जशी अंधारली रात
माझं सुख, माझं सुख
हातातली काडवात
माझं दुखं, माझं दुखं,
तयघरात कोंडले
माझं सुख, माझं सुख
हंड्या झुंबर टांगले
---------------------------------------
अरे देवा तुझं घेणं
काही नही काही नही
तुझ्या पुढचा निवद
माणूसच जातो खाई
---------------------------------------
गानं आलं कानामधी
बुगडिले काय त्याचं?
वास गेला नाकामधी
नथनीले काय त्याचं ?
---------------------------------------
सोता झाला रे आरसा
असा मनाचा जो साफ
तठे कशाचं रे पाप
त्याले सात गुन्हे माफ
---------------------------------------
देखा महारवाड्यात
कशी माणसाची दैना
पोटामधी उठे आग
चुल्हा पेटता पेटेना
---------------------------------------
आता चला जरा पुढे
भट्टी दारूची लागली
तठी भंगड दुनिया
जिती अशीसन मेली
---------------------------------------
चाले छाप्याचं यंतर
जीव आठे भी रमतो
टाकीसनी रे मंतर
जसा भगत घुमतो
माणसापरी माणूस
राहतो रे येडजाना
अरे होतो छापिसानी
कोरा कागद शहाणा
---------------------------------------
सोन्यारुप्याने मढला
मारवाड्याचा बालाजी
शेतकऱ्याचा इठोबा
पानाफुलामध्ये राजी
अरे बालाजी इठोबा
दोन्ही एकज रे देव
श्रीमंतीने गरिबीनं
केला केला दुजाभाव
कशी माणसाची दैना
पोटामधी उठे आग
चुल्हा पेटता पेटेना
---------------------------------------
आता चला जरा पुढे
भट्टी दारूची लागली
तठी भंगड दुनिया
जिती अशीसन मेली
---------------------------------------
चाले छाप्याचं यंतर
जीव आठे भी रमतो
टाकीसनी रे मंतर
जसा भगत घुमतो
माणसापरी माणूस
राहतो रे येडजाना
अरे होतो छापिसानी
कोरा कागद शहाणा
---------------------------------------
सोन्यारुप्याने मढला
मारवाड्याचा बालाजी
शेतकऱ्याचा इठोबा
पानाफुलामध्ये राजी
अरे बालाजी इठोबा
दोन्ही एकज रे देव
श्रीमंतीने गरिबीनं
केला केला दुजाभाव
